أخبار حقيقية: مرحب أستاذ حنكورة

و أنا مروح كنت في ميدان التحرير . و بعدين فكرت بسرعة أركب أيه للبيت في عين شمس
قولت أركب أوتوبيس
بس للاسف لاقيته زحمة
زي كده

و بعدين قولت مافيش غير المترو
المترو سريع و بعدين بجنيه و مش أي حد معاه جنيه في الزمن ده
و بسرعة روحت المترو و برضوا لاقيته زحمة
زي كده

فقولت اسرع حاجة أحجز طيران
و فعلا دخلت أول شركة طيران قابليتني
و أول ما دخلت لاقيت راجل طويل قوي قوي قوي
و قالي : يااااااااااه .......... أستاذ حنكورة عندنا
يا مرحبا .... ولله انت شرفتنا
أنا طبعا فكرتها برنامج الكاميرا الخفية أو أديني عقلك
و استعبط ...و بعدين
قولتله : أيوه أنا حنكورة
و بعدين راح طليبلي كوباية شاي
و انا بصراحة ماصدقت
و كان عايز يطلبلي اكل بس أنا قولت كفايه كباية شاي علشان أنا مستعجل
و بعدين الاستاذ الطويل قال : انت مش فاكرني يا أستاذ حنكورة .... أنا الاستاذ سمّاوي
أيه يا أستاذ حنكورة
قولته : مش فاكر صراحة
فقال سمّاوي : انا ابن حرنكش الساعي بتاع حضرتك في الوزارة اياها
قولتله باستعباط : و ابوك ازي صحته
فقال : ايه يا أستاذ حنكورة اظاهر ان المشاغل بتنسييك ده حضرتك حضرت دفنته
قولتله : ايوه معلش المشاغل بتنسي
فقال سمّاوي : ولله انا كل ما اشوفك في التلفزيون أقعد اقول للاولاد ان جدهم كان شغاال مع سيادتك
ده دور سيادتك في التطبيع مع اسرائيل دور حكيم
و بعدين انا مع السلام مع اسرائيل و التطبيع
ولله الحكومة دي سياستها حكيمة قوي
بص يا أستاذ حنكورة ده حتي انا شايل صورتك معايا من حبي ليك
بص ...............

انت فاكر ابويا يا أستاذ حنكورة
قولته : اياااااااااام
و بعدين قال لي : هو سيادتك عايز تحجز فين؟
قولتله : عين شمس
راح حاجزلي علي أول طيارة هتطلع بعد يومين و بعدين اتصل بفندق و حجزلي عقبال ميعاد الطيارة
و بعدين مارضيش ياخد حساب كل الكلام ده
فشكرته و قولت اروح الفندق اريح عقبال ميعاد الطيارة
فقال الاستاذ سمّاوي : أستاذ حنكورة .... ممكن أطلب منك طلب ؟
فقولتله : طبعا ...ده والدك كان غالي عالينا
قال لي : معلش كان أبني مقدم علي شغل في الوزارة بتاعة حضرتك و كان اخر ميعاد في التقديم بكره و حضرتك الخير و البركة
فعلطول صحيت من اللي انا فيه و عرفت ان الراجل بيتكلم بجد
و بصراحة خوفت احسن اضيع مستقبل الواد اللي اصلا ضايع ضايع مادام هو في البلد السوده دي
فقولتله يا أستاذ سمّاوي : انا بصراحة كدبت عليك أنا مش حنكورة
قوللي : يا استاذ حنكورة ده طلب بسيط مش معقول تهرب مني ده أول طلب أطلبه من سيادتك
و حلفتله لمده ساعة أني مش حنكورة
قاللي كده ياعني
اصلا انا بكره الوزارة دي
وزارة جايبلنا العار
ازاي نعمل تطبيع مع اليهود
و اصلا انا بكره امريكا
الله يخرب بيتكم و ينتقم منكم
يا كافرين
حد يعمل علاقات مع اسرائيل
و بعدين طلعت البطاقة و اتاكد اني مش حنكورة بتاعه
فقام وشه احمر قوي و نادي و قال : يا قرني ..... يا عكاشة .... يا جمعة
و بعدين لاقيت هجمه جايه المكتب
يا نهار اسود